Mary Dianne: BALIW KA BA?

May tanong ako baliw ka ba?

Ako? Hindi ako baliw. Hindi ako baliw, may buhay nga akong masaya, kuntento at marangya

Baliw ka ba?

Hindi ako baliw. Pero sa gitna ng alas tres ng umaga ang mga mata koy dilat pa

At sa gitna ng dilim, may mga nakangiting anino pa sa kisame akong nakikita

Pero hindi ako baliw, kahit pa sa gitna ng katahimikan ng apat na sulok ng aking kwarto akoy nakaupo at nakatutulala

Nakikinig lang sa ungol at nakakangilong iyak ng kung ano man sa ilalim ng aking kama

May tumatawa pa nga sa labas ng mataas kong bintana at kahit pa may kumakatok at nagdadabog sa loob ng aking aparador

Hindi pa rin ako baliw

May iniisip lang ako, may laman ang aking isip, may bigat ang aking puso at may bumubulong sa tenga ko

Hiwain mo nga yung pulso mo!

Sabi nung bulong, sugatan mo lang ng malalim na dugo gamit ang matalim na kutsilyo?

Isa lang! Isa lang, isa lang! At kapag may nagtanong sabihin mo, wala gasgas lang, wala pusa lang

Magsinungaling ka, sa kaibigan mo sa pamilya mo, sa mga tao sa paligid mo, sabihin mo ayos ka lang
Hindi ka baliw,

Tapos tumayo ka, humarap ka sa salamin, tignan mo yung sarili mo, ngumiti ka naman sa salamin ng may ngumiti naman sayo

Bago ka umiyak, bago ka lumuha, tsaka ka sumigaw at kapag may nagtanong, sabihin mo, “wala masamang panaginip lang.”

Bagamat hindi siya basta sugat lang, luha lang o masamang panaginip lang sabihin mo ayos ka lang

Dahil walang makakaintindi sayo kundi yung mga aninong nasa madilim mong kwarto

Dahil ang mga aninong yon, na natatakot, nagwawala at umiiyak sa dilim ay ikaw rin,

Ang mga halimaw at multo na nagtatago sa ilalim ng kama mo ay ikaw rin at ang tunay na kalaban ay ang sarili mo, ay ang sarili ko!

Pero hindi ako baliw, nakikita ko lang ang kagandahan sa lubid na nakasabit sa kisame at sa pag asang masisilayan pag nakasuot na ito sa aking leeg

Hindi ako baliw, isa lang akong kaluluwang naliligaw sa mundong puno ng kalupitan

Hindi ako baliw, may hinahanap lang ako, pero di ko alam kung ano.Dahil may nawawala.

At ang nawawala ay ang sarili ko at ang lugar kung saan ko ito matatagpuan.

Ma natatakot ako! saan? hindi ko alam
Kaibigan, natatakot ako! saan? hindi ko alam!

Pero gusto kong may makapansin, gusto kong may makarinig ng aking iyak at saklolo sa kabila ng aking katahimikan

May makakita ng sakit sa kabila ng pagputol ng aking buhok at kung anong dahilan

May makabasa ng bawat salita ng aking bawat tula at ang nakakalungkot nitong laman

Gusto kong may makapansin na pagod na ako mula sa aking pinakakaluluwa hanggang sa bawat kalamnan ng aking katawan.

Dahil hindi ako baliw
Hindi ako baliw na makikita mong tumatawa sa isang sulok mag isa pero makikita umiiyak ng walang kasama

Hindi ako baliw na makikitang bumubulong at nakangiti sa gilid pero makikita mo kong humahagulgol ng walang karamay at nag iisa

Hindi ako baliw, gusto ko lang na may tumulong at makaunawa, gusto ko lang ng kasama

Hindi ako baliw, Nasasaktan lang ako nasasaktan ako! nasasaktan ako!

nasasaktan ako, sasaktan mo pa ba?

Baliw ka ba?

Published by

mdblogweb

Writing is Love!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s